The Biz Update
Related Articles
سیالکوٹ: بی وائے ڈی پاکستان نے اپنی نئی انرجی وہیکل (ای وی) لائن اپ کو ملک گیر آگاہی مہم کے تحت سیالکوٹ پہنچا دیا ہے، جہاں کمپنی الیکٹرک موبلٹی کے فروغ اور صارفین سے براہِ راست رابطے کے لیے سرگرم ہے۔
یہ سرگرمیاں ہیون ہاکس گالف کلب، سیالکوٹ کینٹ کے قریب جاری ہیں اور 31 مئی 2026 تک جاری رہیں گی۔
کمپنی کی جانب سے سیالکوٹ کے انتخاب کی وجہ اس کی برآمدات پر مبنی مضبوط معیشت اور پائیدار ٹرانسپورٹ میں بڑھتی ہوئی دلچسپی کو قرار دیا گیا ہے۔ اس موقع پر بی وائے ڈی نے اپنی جدید ای وی ٹیکنالوجی براہِ راست صارفین تک پہنچانے کا سلسلہ شروع کیا ہے۔
نمائش کے دوران کمپنی نے اپنی اہم گاڑیاں پیش کیں جن میں اٹو 2، اٹو 3 اور شارک 6 پی ایچ ای وی پک اپ شامل ہیں۔ یہ گاڑیاں شہری سفر سے لے کر ہیوی ڈیوٹی اور ہائی پرفارمنس استعمال تک مختلف ضروریات کو پورا کرتی ہیں۔
اس موقع پر آنے والے افراد نے بی وائے ڈی کی جدید ٹیکنالوجی، خصوصاً بلیڈ بیٹری، کا بھی مشاہدہ کیا جسے کمپنی نے حفاظت، پائیداری اور بہتر کارکردگی کے حوالے سے نمایاں کیا۔ ماہرین نے شرکاء کو گاڑیوں کی کارکردگی، ملکیت کے تجربے اور طویل المدتی فوائد سے بھی آگاہ کیا۔
داںش خالق نائب صدر سیلز نے اس موقع پر کہا کہ پاکستان کے مستقبل کے لیے الیکٹرک گاڑیوں کی طرف منتقلی ناگزیر ہے، اور بی وائے ڈی عالمی معیار کی ٹیکنالوجی براہِ راست مقامی صارفین تک پہنچا رہی ہے۔ انہوں نے کہا کہ سیالکوٹ ایک ترقی پسند مارکیٹ ہے جو کمپنی کی توسیع کے لیے اہم حیثیت رکھتی ہے۔
انہوں نے مزید بتایا کہ بی وائے ڈی پاکستان ملک بھر میں اپنی سرگرمیوں کو وسعت دے رہا ہے، جس کا آغاز پہلے گوجرانوالہ سے کیا گیا تھا، جبکہ جلد ملتان اور حیدرآباد جیسے شہروں میں بھی مہم شروع کی جائے گی۔ ان اقدامات کا مقصد صارفین کی ضروریات کو سمجھنا اور زیرو ایمیشن موبلٹی کے فروغ کو تیز کرنا ہے۔
