The Biz Update
Related Articles
کراچی: ابھی مائیکروفنانس بینک کا نے ای پی ایل پرائیویٹ لیمٹید کے ذیلی منصوبے سی بی اے کے ساتھ ایک اسٹریٹجک شراکت داری قائم کر لی ہے، جس کا مقصد ملک بھر میں مالیاتی خدمات تک رسائی کو وسعت دینا اور ڈیجیٹل بینکاری کے نظام کو مزید مضبوط بنانا ہے۔
اس بڑے تعاون کے تحت دونوں ادارے ملک بھر کے ریٹیل تاجروں اور مائیکرو، اسمال اور میڈیم انٹرپرائزز کو جدید مالیاتی سہولیات فراہم کریں گے، تاکہ کاروباری سرگرمیوں میں آسانی اور لیکویڈیٹی کو بہتر بنایا جا سکے۔
معاہدے کے مطابق ابھی مائیکروفنانس بینک ، سی بی اے کے وسیع ڈیجیٹل نیٹ ورک کو استعمال کرتے ہوئے ایک محفوظ اور جدید سپر ایجنٹ نیٹ ورک قائم کرے گا، جس کے ذریعے ریٹیلرز کے لیے خصوصی قرضے اور مالیاتی حل فراہم کیے جائیں گے۔
اس منصوبے کے تحت کیش اِن اور کیش آؤٹ سروسز، ڈیجیٹل لین دین، اور بایومیٹرک بنیاد پر اکاؤنٹ کھولنے کی سہولت بھی فراہم کی جائے گی، خاص طور پر کم سہولت یافتہ شہری اور نیم شہری علاقوں میں۔
اعلامیے کے مطابق اس فریم ورک میں سخت ریگولیٹری اور آپریشنل حفاظتی اقدامات بھی شامل ہیں، جن کے تحت کسی بھی فریق کو مخصوص شرائط کی خلاف ورزی کی صورت میں معاہدہ ختم کرنے کا حق حاصل ہوگا، جبکہ تمام واجبات کی محفوظ ادائیگی کو یقینی بنایا جائے گا۔
اس شراکت داری کے ذریعے فوری ڈیجیٹل کریڈٹ سہولیات اور ورکنگ کیپیٹل کو تاجروں کے نیٹ ورک میں شامل کیا جائے گا، جس سے روایتی بینکاری رکاوٹیں کم ہوں گی اور کاروباری سرگرمیوں میں تیزی آئے گی۔
