The Biz Update
Related Articles
کراچی: پاک سوزوکی موٹر کمپنی نے اپنے معروف ایکسٹار انجن آئل کی پہلی بار عمان کو برآمد کر کے اہم سنگ میل حاصل کر لیا ہے اور اس طرح پاکستان کا پہلا OEM بن گیا ہے جس نے یہ کامیابی حاصل کی۔
کمپنی کے مطابق ایکسٹار ایک عالمی معیار کا انجن آئل برانڈ ہے جو گاڑیوں، موٹر سائیکلوں اور آؤٹ بورڈ انجنز کے لیے استعمال ہوتا ہے۔ پاک سوزوکی پہلے ہی ویتنام کو آٹو پارٹس اور یورپ و جاپان کو ایکسیسریز برآمد کر رہی ہے، جبکہ عمان کو یہ شِپمنٹ مشرق وسطیٰ میں پہلی برآمد ہے۔
تقریب میں پاک سوزوکی کے مینیجنگ ڈائریکٹر ہیروشی کاوامورا اور ایڈیمٹسو لوب پاکستان کے صدر و سی ای او ٹوموہیرو یاماشیتا نے شرکت کی۔
اس موقع پر مینیجنگ ڈائریکٹر نے 1983 میں کمپنی کے قیام سے لے کر اب تک کے سفر پر روشنی ڈالی اور بتایا کہ 1997 سے گاڑیاں نیپال اور بنگلہ دیش کو برآمد کی جا رہی ہیں۔ انہوں نے کہا کہ عمان کو ایکسٹار انجن آئل کی برآمد ایک حوصلہ افزا پیش رفت ہے جو ملک کی برآمدات میں اضافے میں مددگار ثابت ہوگی۔
ٹوموہیرو یاماشیتا نے بھی پی ایس ایم سی کی ٹیم کی کاوشوں کو سراہا اور اس کامیابی پر مبارکباد دی۔
