The Biz Update
Related Articles
کراچی، 12 فروری 2026: کے الیکٹرک (کے ای) نے اپنے سروس ایریا کے مختلف علاقوں میں چھ فیسلیٹیشن کیمپس (کھلی کچہریاں) منعقد کیں، جن میں 2,400 سے زائد صارفین نے شرکت کی جبکہ تقریباً 2 کروڑ 30 لاکھ روپے کے بقایاجات وصول کیے گئے۔
یہ کیمپس نارتھ کراچی، سرجانی، بن قاسم، زمزمہ، نیو کراچی اور شاہ فیصل کالونی میں لگائے گئے، جہاں صارفین کو بلنگ مسائل، میٹر سے متعلق سوالات اور کنکشنز کی باقاعدگی سے متعلق فوری سہولت فراہم کی گئی۔
کے الیکٹرک کے مطابق مالی سال 26 کے دوران اب تک 100 سے زائد فیسلیٹیشن کیمپس منعقد کیے جا چکے ہیں۔ ان کیمپس کا مقصد خصوصاً ان علاقوں میں صارفین تک خدمات پہنچانا ہے جہاں بینکاری سہولیات محدود ہیں، تاکہ صارفین کو بقایاجات کی ادائیگی میں آسانی ہو۔
کے ای کے ترجمان عمران رانا نے اس حوالے سے کہا کہ فیسلیٹیشن کیمپس صارفین کو ان کے اپنے محلوں میں ضروری خدمات فراہم کرنے اور ادارے کے ساتھ براہ راست رابطے کے ذریعے اعتماد سازی میں اہم کردار ادا کرتے ہیں۔
انہوں نے کہا، “کے ای ریکوری کے عمل کو بہتر بنانے کے لیے اپنی کوششیں جاری رکھے گا اور صارفین کو اپنے بقایاجات ادا کرنے کے لیے ہر ممکن سہولت فراہم کرتا رہے گا۔”
یہ اقدام کے الیکٹرک کی جانب سے صارفین کے ساتھ روابط مضبوط بنانے، ریکوری بہتر کرنے اور خدمات کی فراہمی کو مزید مؤثر بنانے کی مسلسل کاوشوں کا حصہ ہے۔
