The Biz Update
Related Articles
گست ۲۰۲۶ — کراچی: شمسی توانائی اور انرجی اسٹوریج ٹیکنالوجی کی عالمی کمپنی ہوی مائلزنے پاکستان میں اپنی موجودگی کو وسعت دے دی ہے۔ کمپنی نے ہری سن انرجی (Harisun Energy) کو پاکستان میں اپنا مجاز ٹائر-ون ڈسٹری بیوٹر مقرر کردیا ہے۔
دونوں کمپنیوں کے درمیان شراکت داری کے معاہدے پر چین میں دستخط کیے گئے۔ اس معاہدے سے پاکستان کی تیزی سے بڑھتی ہوئی قابلِ تجدید توانائی کی مارکیٹ میں جدید عالمی انورٹر ٹیکنالوجی تک رسائی بہتر ہونے کی توقع ہے۔
معاہدے کے تحت ہری سن انرجی پاکستان بھر میں ہوی مائلز کی مصنوعات کی تقسیم اور مارکیٹ ڈویلپمنٹ کا کام کرے گی۔ کمپنی انسٹالرز، ای پی سی کمپنیوں، چینل پارٹنرز اور دیگر صنعتی اداروں کے ساتھ مل کر کام کرے گی۔
شراکت داری سے پاکستان کے قابلِ تجدید توانائی کے شعبے کو فائدہ پہنچنے کی توقع ہے۔ ہوی مائلز کی انورٹر اور انرجی مینجمنٹ ٹیکنالوجیز نظام کی کارکردگی بہتر بنانے، گرڈ کے استحکام میں مدد دینے اور شمسی توانائی کو قومی توانائی کے نظام میں زیادہ مؤثر انداز میں شامل کرنے میں معاون ثابت ہوسکتی ہیں۔
کمپنی کے مائیکرو انورٹرز اور اسمارٹ مانیٹرنگ سلوشنز بجلی کی پیداوار کو بہتر بنانے اور توانائی کے استعمال کو مؤثر بنانے میں مدد فراہم کرتے ہیں۔ یہ ٹیکنالوجیز گھریلو اور تجارتی صارفین کو توانائی کی خود انحصاری اور اخراجات میں کمی کے مواقع بھی فراہم کرسکتی ہیں۔
ہوی مائلز کی موجودگی ۱۹۰ سے زائد ممالک اور خطوں میں ہے جبکہ کمپنی کے دنیا بھر میں ۲۲۰۰ سے زائد ملازمین ہیں۔ کمپنی تحقیق اور ترقی پر بھی خصوصی توجہ دیتی ہے۔
اس موقع پر ہری سن انرجی کے چیف ایگزیکٹو آفیسر حارث جمشید نے کہا کہ ہوی مائلز کے ساتھ شراکت داری پاکستان کی سولر انڈسٹری کے لیے اہم پیش رفت ہے۔
انہوں نے کہا کہ اس شراکت داری کے ذریعے پاکستان میں جدید انورٹر اور انرجی اسٹوریج ٹیکنالوجیز تک رسائی بڑھے گی، جبکہ انسٹالرز، کاروباری اداروں اور گھریلو صارفین کو زیادہ کارکردگی اور طویل مدتی توانائی کے تحفظ کے حصول میں مدد ملے گی۔
ہری سن انرجی کے مطابق یہ شراکت داری ہوی مائلز کی عالمی ٹیکنالوجی اور ہری سن انرجی کی مقامی مارکیٹ میں موجودگی کو یکجا کرے گی۔ دونوں ادارے پاکستان کے صاف اور قابلِ تجدید توانائی کے شعبے کو آگے بڑھانے اور زیادہ اسمارٹ اور پائیدار توانائی کے مستقبل کی جانب منتقلی میں کردار ادا کریں گے
