The Biz Update
Related Articles
کراچی، 7 اکتوبر 2026: پاکستان میں بی وائی ڈی کے آفیشل پارٹنر میگا موٹر کمپنی (ایم ایم سی) نے بی وائی ڈی شارک 6 کی پاکستان میں پہلی سالگرہ کے موقع پر نئی خصوصی رنگت آؤٹ بیک اورنج متعارف کرا دی۔
شارک 6 کی سالگرہ کے موقع پر خصوصی ایڈیشن کو لاہور میں منعقد ہونے والے پاکستان آٹو شو 2026 میں پیش کیا گیا۔ کمپنی کے مطابق یہ پاکستان کا پہلا اور طاقتور پلگ اِن ہائبرڈ پک اَپ ہے، جو برقی کارکردگی، آف روڈ صلاحیت اور جدید ہائبرڈ ٹیکنالوجی کو یکجا کرتا ہے۔
بی وائی ڈی شارک 6 کو ایسے صارفین کے لیے تیار کیا گیا ہے جو روزمرہ سفر کے ساتھ طویل سفر اور ایڈونچر کے لیے بھی طاقتور اور جدید پک اَپ چاہتے ہیں۔
بی وائی ڈی پاکستان، ایم ایم سی کے وائس پریزیڈنٹ سیلز اینڈ اسٹریٹیجی دانش خلیق نے کہا کہ کمپنی نے ابتدا ہی میں ایسے پک اَپ کی ضرورت محسوس کی تھی جو اس شعبے میں موجود روایتی صلاحیتوں کے ساتھ پلگ اِن ہائبرڈ ٹیکنالوجی اور جدید ڈرائیونگ تجربہ فراہم کرے۔
انہوں نے کہا کہ پاکستان میں شارک 6 کو پہلے سال کے دوران ملنے والے ردعمل نے کمپنی کے اس یقین کو مضبوط کیا ہے کہ صارفین جدید ٹیکنالوجی کو اپنانے کے لیے تیار ہیں، بشرطیکہ انہیں مناسب آپشنز فراہم کیے جائیں۔
بی وائی ڈی شارک 6 میں کمپنی کی سپر ڈی ایم او ٹیکنالوجی استعمال کی گئی ہے۔ یہ پک اَپ 436 ہارس پاور اور 650 نیوٹن میٹر ٹارک پیدا کرتا ہے، جبکہ اس کی مشترکہ ڈرائیونگ رینج 800 کلومیٹر تک ہے۔
سالگرہ کے خصوصی ایڈیشن میں شارک 6 کی بنیادی کارکردگی اور آف روڈ صلاحیتوں کو برقرار رکھتے ہوئے آؤٹ بیک اورنج نامی خصوصی رنگ شامل کیا گیا ہے۔
شارک 6 میں مختلف زمینی حالات کے لیے مڈ، اسنو اور سینڈ ڈرائیونگ موڈز بھی موجود ہیں۔ اس کی ہائبرڈ پاور ٹرین صارفین کو روزمرہ استعمال کے ساتھ طویل سفر کے لیے بھی سہولت فراہم کرتی ہے۔
سالگرہ کے موقع پر کمپنی نے صارفین کے لیے خصوصی آفر بھی متعارف کرائی ہے۔ یکم اکتوبر سے 31 اکتوبر 2026 کے دوران کی جانے والی بکنگ پر، منتخب رنگوں اور مکمل ادائیگی کی صورت میں گاڑی 30 دن کے اندر فراہم کی جائے گی۔
اس کے علاوہ اس مدت کے دوران بکنگ کرانے والے صارفین کو ایک سال کی مفت سروس مینٹیننس بھی فراہم کی جائے گی۔
شارک 6 کی پہلی سالگرہ اور خصوصی ایڈیشن پاکستان میں بی وائی ڈی کی بڑھتی ہوئی موجودگی اور ہائبرڈ و برقی گاڑیوں کی مارکیٹ میں صارفین کے لیے بڑھتے ہوئے انتخاب کی عکاسی کرتا ہے۔
