The Biz Update
Related Articles
کراچی، 11 فروری 2026: پاکستان کی معروف ہوم اپلائنس کمپنی ڈاولینس، جو عالمی بیکو گروپ کا ذیلی ادارہ ہے، کو اوورسیز انویسٹرز چیمبر آف کامرس اینڈ انڈسٹری (OICCI) کے زیر اہتمام منعقدہ چوتھی پاکستان کلائمیٹ کانفرنس 2026 میں کلائمیٹ ایکشن ایوارڈ سے نوازا گیا۔
یہ اعزاز ڈاولینس کو توانائی کی بچت، ذمہ دارانہ مینوفیکچرنگ، ماحول دوست مصنوعات کی تیاری اور پائیدار کاروباری حکمت عملی اپنانے پر دیا گیا۔
اس سال کانفرنس کا موضوع تھا “کلائمیٹ ایکسیلیریشن: عزم سے مسابقتی برتری تک” جس میں اس بات پر زور دیا گیا کہ موسمیاتی اقدامات کو معاشی مواقع میں تبدیل کرنا وقت کی اہم ضرورت ہے۔ ماہرین کے مطابق پاکستان کو ہر سال موسمیاتی نقصانات کے باعث تقریباً ایک فیصد جی ڈی پی کا نقصان ہوتا ہے۔
ڈاولینس کو نہ صرف اپنے ادارہ جاتی اقدامات بلکہ سپلائرز، کمیونٹیز اور صنعتی شراکت داروں کے ساتھ مل کر پائیداری کے فروغ اور شفاف رپورٹنگ کے لیے بھی سراہا گیا۔
سی ای او ڈاولینس عمر احسن خان نے کہا کہ موسمیاتی اقدامات کمپنی کی طویل مدتی حکمت عملی کا اہم حصہ ہیں اور 2030 تک اخراج میں کمی کے اہداف اور 2050 تک نیٹ زیرو کے عزم پر عمل جاری ہے۔
ڈاولینس نے اپنے برانڈ مقصد “آج ترقی، کل کی حفاظت” کے تحت پائیداری کو اپنی کاروباری حکمت عملی میں شامل رکھا ہوا ہے اور ملک کو کم کاربن معیشت کی طرف لے جانے میں اپنا کردار ادا کرنے کے لیے پرعزم ہے۔
