The Biz Update
Related Articles
کراچی، 14 مئی 2026: لوریل پاکستان نے پاکستان میں مقامی صنعتی صلاحیتوں کی ترقی کے سفر میں ایک اہم سنگ میل حاصل کرتے ہوئے شیمپو کی تیاری میں استعمال ہونے والے بنیادی خام مال سوڈیم لورتھ سلفیٹ کی مقامی سطح پر پیداوار کامیابی سے شروع کر دی ہے۔
اس پیش رفت کے تحت طفیل کیمیکل انڈسٹریز لمیٹید کو ایک مستند مقامی سپلائر کے طور پر شامل کیا گیا ہے، جو لوریل کے پاکستان میں صنعتی ڈھانچے اور طویل المدتی سرمایہ کاری کے عزم کو مزید مضبوط بناتا ہے۔
یہ اقدام لوریل کی اسٹریٹجک لوکلائزیشن حکمتِ عملی کا حصہ ہے، جس کے ذریعے درآمدات پر انحصار کم کیا جائے گا جبکہ عالمی معیار کے سخت تقاضوں کو برقرار رکھا جائے گا۔
ریضان سعید نے کہا کہ یہ کامیابی پاکستانی صنعت پر اعتماد اور اس کی تکنیکی صلاحیتوں کا واضح ثبوت ہے۔ ان کے مطابق لوکلائزیشن مستقبل کی ترقی کے لیے ایک اہم اسٹریٹجک عنصر ہے، جس کے ذریعے نہ صرف سپلائی چین کو زیادہ مضبوط اور مؤثر بنایا جا رہا ہے بلکہ پاکستان کے مینوفیکچرنگ ایکو سسٹم کی ترقی میں بھی کردار ادا کیا جا رہا ہے۔
انہوں نے کہا کہ مقامی سطح پر خام مال کی تیاری سے کاربن اخراج میں نمایاں کمی آئے گی کیونکہ درآمدی لاجسٹکس کا فاصلہ کم ہو جائے گا۔ اس کے ساتھ سپلائی چین زیادہ تیز اور مؤثر ہو گی، جس سے مارکیٹ کی ضروریات اور صارفین کے رجحانات کے مطابق فوری ردعمل ممکن ہوگا۔
مزید کہا گیا کہ اس اقدام سے طویل المدتی پائیداری کو فروغ ملے گا اور خطے میں مستقبل کی صنعتی ترقی کے لیے ایک مضبوط ماڈل تشکیل پائے گا۔ معیار اور عالمی معیار کی پابندی کو بنیادی اصول قرار دیتے ہوئے بتایا گیا کہ ظفیل کیمیکل انڈسٹریز لمیٹید نے سخت عالمی معیار کے آڈٹ اور کوالیفکیشن عمل کو کامیابی سے مکمل کیا ہے، جو اس بات کا ثبوت ہے کہ پاکستانی سپلائرز عالمی بیوٹی ٹیک انڈسٹری کے اعلیٰ معیار پر پورا اتر سکتے ہیں۔
یہ پیش رفت لوریل پاکستان کے اس عزم کی عکاسی کرتی ہے کہ وہ مقامی شراکت داریوں کے ذریعے ایک مضبوط اور مستقبل کے تقاضوں سے ہم آہنگ سپلائی چین تشکیل دے رہا ہے۔ پاکستانی مینوفیکچرنگ صلاحیت میں سرمایہ کاری اور مقامی سپلائرز کے ساتھ تعاون کے ذریعے کمپنی ملک میں طویل المدتی ترقی، پائیداری اور صنعتی بہتری کو فروغ دے رہی ہے۔
