The Biz Update
Related Articles
کراچی، 17 اگست 2026: پاکستان ٹیلی کمیونیکیشن کمپنی لمیٹڈ () نے پاکستان پاورٹی ایلیویشن فنڈ () کے تعاون سے اپنے بااختیار ( پروگرام کے تحت 22 اضلاع میں ڈیجیٹل خواندگی کی تربیت شروع کردی ہے۔ اس پروگرام کے ڈیجیٹل لٹریسی جزو کی تربیت انسٹی ٹیوٹ آف رورل مینجمنٹ (IRM) فراہم کرے گا۔
IRM کی ذمہ داری 2,100 خواتین کو عملی ڈیجیٹل مہارتیں اور جدید ٹیکنالوجی کے مؤثر استعمال کے لیے ضروری تربیت فراہم کرنا ہے۔ اس اقدام کا مقصد خواتین کو ڈیجیٹل معیشت میں زیادہ اعتماد کے ساتھ حصہ لینے کے قابل بنانا ہے۔
تربیتی پروگرام کے دوران شرکاء کو اسمارٹ فون کے استعمال، ڈیجیٹل خواندگی، آن لائن رابطے، انٹرنیٹ سیفٹی اور ضروری ڈیجیٹل خدمات تک رسائی کے حوالے سے عملی تربیت دی جائے گی۔
PTCL تربیت حاصل کرنے والی خواتین کو اسمارٹ فونز بھی فراہم کرے گا تاکہ وہ تربیتی پروگرام مکمل ہونے کے بعد بھی اپنی ڈیجیٹل مہارتوں کو بہتر بنا سکیں اور انہیں عملی زندگی میں استعمال کر سکیں۔
PTCL کے چیف مارکیٹنگ آفیسر عماد خان نے کہا کہ حقیقی بااختیاری کا پیمانہ اپنے لیے مواقع پیدا کرنے کی صلاحیت ہے۔ انہوں نے کہا کہ ڈیجیٹل مہارتیں روزمرہ زندگی میں تیزی سے اہم ہوتی جارہی ہیں اور بااختیار پروگرام کے ذریعے خواتین کو ٹیکنالوجی کے بامقصد استعمال کے لیے اعتماد فراہم کرنے کی کوشش کی جارہی ہے۔
IRM کے سینئر پروگرام مینیجر انور الحق نے PPAF اور PTCL کے تعاون کو سراہتے ہوئے کہا کہ بااختیار اقدام پاکستان میں جامع مہارتوں کی ترقی اور خواتین کو معاشی طور پر بااختیار بنانے کا ایک مؤثر ماڈل ہے۔ انہوں نے ایسے پروگراموں کو جاری رکھنے اور مزید وسعت دینے کی ضرورت پر زور دیا۔
پروگرام کے تحت خواتین کو تکنیکی اور ڈیجیٹل مہارتیں فراہم کرکے مالی خودمختاری، پائیدار روزگار اور رسمی و ڈیجیٹل معیشت میں بامعنی شرکت کے لیے نئے راستے پیدا کیے جارہے ہیں۔
PTCL کے مطابق ڈیجیٹل لٹریسی پروگرام کا آغاز ڈیجیٹل شمولیت اور خواتین کی معاشی خودمختاری کے فروغ کے عزم کا اظہار ہے۔ کمپنی نے کہا کہ اس مقصد کے لیے مختلف اداروں کے ساتھ اسٹریٹجک شراکت داری کے ذریعے دیرپا سماجی اثر پیدا کرنے پر توجہ دی جارہی ہے۔
