The Biz Update
Related Articles
کراچی ، 2جولائی پاکستان میں تیزی سے مقبول ہونے والی ٹیکنالوجی پر مبنی کورئیر سروس ان ڈرئیو نے سال 2025 کے ابتدائی چھ ماہ میں اپنے کورئیر پارٹنرز کی تعداد میں 57 فیصد اضافہ رپورٹ کیا ہے۔ یہ اضافہ نہ صرف ان ڈرئیوکے خودمختار ماڈل کی کامیابی کا مظہر ہے بلکہ پاکستان میں بڑھتے ہوئے فری لانس اور خود روزگار کے رجحان کو بھی ظاہر کرتا ہے۔
ان ڈرئیوکا منفرد ماڈل کورئیرز کو مکمل خودمختاری فراہم کرتا ہے، جس کے تحت وہ اپنی مرضی سے آرڈرز کا انتخاب، ترسیل کی قیمت کا تعین اور روٹ کا انتخاب خود کر سکتے ہیں۔ اس کے ساتھ ساتھ، ان ڈرئیو کی کم از کم کمیشن پالیسی کی بدولت کورئیرز کو اپنی آمدنی کا بڑا حصہ رکھنے کی سہولت حاصل ہوتی ہے، جس سے وہ اپنی مرضی کے مطابق کام کر کے بہتر مالی آزادی حاصل کر رہے ہیں۔
ان ڈرئیوپاکستان کے کنٹری ہیڈ اویس سعید کے مطابق، “ہماری کورئیر سروس چھوٹے کاروباروں کے لیے ایک قیمتی سہولت بن چکی ہے۔ ہم نہ صرف تیز، قابلِ بھروسہ اور سہل ڈیلیوری خدمات فراہم کر رہے ہیں بلکہ ایسے مائیکرو انٹرپرینیورز کو ترقی میں مدد دے رہے ہیں جو محدود وسائل کے باوجود اپنا کاروبار بڑھانا چاہتے ہیں۔ دوسری جانب، ہماری سروس جز وقتی ملازمتوں کی کمی کے شکار نوجوانوں کو اپنی مرضی کے مطابق کام کرنے، آرڈرز منتخب کرنے اور ایمانداری سے کمائی کرنے کا موقع فراہم کر رہی ہے۔”
نئے ریفرل پروگرام کا آغاز
اپنی کورئیر کمیونٹی کو مزید وسعت دینے کے لیے ان ڈرئیونے کورئیرز کے لیے ایک نیا ریفرل پروگرام متعارف کرانے کا اعلان بھی کیا ہے۔ اس پروگرام کے تحت کورئیر پارٹنرز اپنے ذاتی دعوتی لنک بنا کر دوستوں سے شیئر کر سکیں گے۔ جیسے ہی مدعو کیا گیا دوست اپنا مخصوص ڈیلیوری ہدف مکمل کرے گا، ریفرر کو 24 گھنٹوں کے اندر ان ڈرئیو والیٹ میں نقد انعام فراہم کر دیا جائے گا۔
پاکستان میں ان ڈرئیو کورئیر سروس کی مقبولیت میں نمایاں اضافہ کا یہ ماڈل پاکستان میں خود روزگار کے نئے مواقع پیدا کرنے، ٹیکنالوجی کی مدد سے آمدنی میں اضافہ کرنے اور چھوٹے کاروباروں کی ترقی میں اہم کردار ادا کر رہا ہے۔
