The Biz Update
Related Articles
لاہور: لاہور چیمبر آف کامرس اینڈ انڈسٹری نے سال 2024-25کے لیے ممبران کی تجدید رکنیت کا آغاز کردیا ہے اور آگاہی کے لیے 37ہزار سے زائد ممبران کو بلز کا اجراء کردیا گیا ہے۔ تجدید رکنیت کے لیے مالی سال 2022-23کی انکم ٹیکس ریٹرن جمع کروانے کے ثبوت کی کاپی پیش ضروری ہے۔
لاہور چیمبر آف کامرس اینڈ انڈسٹری کے صدر کاشف انور نے لاہور چیمبر کے ممبران سے اپیل کی ہے کہ وہ رش اور دیگر مسائل سے بچنے کے لیے جلد سے جلدسال 2024-25 کے لیے اپنی رکنیت کی تجدید کروائیں تاکہ وہ لاہور چیمبر آف کامرس اینڈ انڈسٹری کی تمام خدمات سے استفادہ جاری رکھ سکیں۔
انہوں نے کہا کہ ممبران کے لیے لاہور چیمبر آف کامرس اینڈ انڈسٹری کی رکنیت کی تجدید کرانا اس لیے بھی ضروری ہے کیونکہ بہت سے کاروباری مراحل میں انہیں لاہور چیمبر کے سرٹیفیکیٹ اور دیگر دستاویزات کی ضرورت رہتی ہے۔ لاہور چیمبر آف کامرس اینڈ انڈسٹری کے صدر نے کہا کہ تجدید رکنیت کے لیے آخری تاریخ 31مارچ 2024 ہے۔ ممبران آخری تاریخ کا انتظار کیے بغیر سال 2022-23کی ٹیکس ریٹرن کے ہمراہ فوری طور پر تجدید رکنیت کے لیے لاہور چیمبر آئیں۔
