The Biz Update
Related Articles
کراچی: اکتوبر ٨، 2024: پاکستان کی ٹیکسٹائل اور چمڑے کی صنعت سے وابستہ پانچویں ٹیکسپو نمائش2024ءکراچی ایکسپو سینٹر میں23اکتوبر سے شروع ہو رہی ہے 3روزہ نمائش 25 اکتوبر تک جاری رہے گی نمائش میں ٹیکسٹائل اور چمڑے کے شعبے سے منسلک250سے زائد کمپنیاں حصہ لے رہی ہیں ۔ ٹیکسٹائل اور چمڑے کی کمپنیاں اپنی جدید ترین مصنوعات کی نمائش کریں گی۔یہ ایونٹ پاکستانی اور بین الاقوامی کمپنیوں کے درمیان بزنس ٹو بزنس رابطوں کو وسیع کرنے کے مواقع فراہم کرے گاجبکہ نمائش سے عالمی تجارتی روابط کو بھی فروغ ملے گا۔
پانچویں ٹیکسپو نمائش2024ءمیں سیمینارز بھی منعقد ہوں گے جس میں شرکاءشرکت کر سکیں گے اور موجودہ چیلنجوں اور ایجادات کے حوالے سے انہیں آگاہی حاصل ہو گی اس ایونٹ میں دو روزہ شاندار فیشن شو بھی پیش کیا جائے گا جس میں پاکستان بھر سے ٹاپ 20 فیشن ڈیزائنرز کی مصنوعات کی نمائش کی جائے گی اورملک کے بھرکے ڈیزائن ٹیلنٹ اور تخلیقی صلاحیتوں کو اجاگر کیا جائے گا۔ صنعتکاروں، اسٹیک ہولڈرز، اور مندوبین کے درمیان تعاون اور مکالمے کو فروغ دینے کے لیے ایک خصوصی نیٹ ورکنگ ڈنر کا اہتمام بھی ہو گا ۔
