The Biz Update
Related Articles
کراچی: کورنگی ایسوسی ایشن آف ٹریڈ اینڈ انڈسٹری (کاٹی) کے صدر جوہر علی قندھاری نے پیٹرولیم مصنوعات کی قیمتوں میں ہوشربا اضافہ کو مسترد کرتے ہوئے کہا کہ ملک میں ڈالر کی قدر میں استحکام کے باوجود پیٹرول کی قیمت میں 13 روپے 55 پیسے فی لیٹر اضافہ ناانصافی ہے۔
انہوں نے کہا کہ عالمی منڈی میں ہونے والے اضافہ کے مطابق مقامی سطح پر نہیں کیا گیا۔ فیصلے سے ملک میں مہنگائی کا طوفان آئے گا اور عوام کی مشکلات مزید بڑھ جائیں گی۔ صدر کاٹی نے کہا کہ حکومت عوام کی مشکلات دیکھتے ہوئے پیٹرولیم مصنوعات کی قیمتوں میں اضافہ کو مؤخر کر سکتی تھی۔
تاہم قیمتوں میں اضافہ انتہائی ضروری تھا تو ٹیکس اور لیوی کی شرح کم کرتے ہوئے عوام پر کم سے کم بوجھ ڈالنا چاہیے تھا۔ جوہر قندھاری نے زور دیا کہ حکومت صنعتو ں کو درپیش مشکلات دیکھتے ہوئے پیٹرولیم مصنوعات کی قیمتوں میں اضافہ کو واپس لے تاکہ نہ صرف پیداواری لاگت اور ٹرانسپورٹیشن اخراجات میں کمی ہو بلکہ ملک معاشی طور پر مستحکم ہو سکے۔
