The Biz Update
Related Articles
کراچی: چیئرمین نظام مصطفی پارٹی سابق وفاقی وزیر پیٹرولیم ڈاکٹرحاجی محمدحنیف طیب نے کہاکہ پیٹرول کی قیمت میں 8روپے کمی توکردی گئی ہے یہ سوال اپنی جگہ موجودہے کہ پیٹرولیم مصنوعات کی قیمتیں جب 300سے تجاویز کرگئی تھی تو ٹرانسپورٹ کے کرائے،اشیائے خوردونو ش سمیت تقریبا ہر چیز میں ہوش رُبااضافہ کردیاگیا تھا اب گذشتہ چندماہ سے مسلسل کمی کی جارہی ہے لیکن کمی کے ثمرات عوام تک نہیں پہنچ پارہے ہیں۔
پیٹرولیم مصنوعات میں کمی کو عوام کیلئے خوش آئند تب قراردیا جائے گا جب اس کمی کے اثرات عوام تک منتقل کئے جائینگے۔انہوں نے کہاکہ مہنگائی عوام کیلئے ناقابل برداشت ہوچکی ہے گیس اوربجلی کی لوڈشیڈنگ کے باوجودبلوں میں اضافہ افسوس ناک ہے اس بات کو نظر اندازنہیں کیاجاسکتا کہ ملک کا ایک بڑاطبقہ معاشی مشکلات،بے روزگاری،صحت وتعلیم،پانی،بجلی،گیس جیسی بنیادی سہولیات سے محروم ہے،ماضی کے حکمران ہو،یاموجودہ یاپھر نئے آنے والے یہ بات اچھی طرح جان لیں ملک کی معیشت کو سودی نظام میں ڈال کر عوام کو سکون نہیں پہنچایاجاسکتا۔
