The Biz Update
Related Articles
کراچی 16 اکتوبر 2023: بینکنگ محتسب پاکستان نے رواں سال کے پہلے نو مہینوں (جنوری تا ستمبر) کے دوران 18,431 شکایات کا ازالہ کرکے بینکنگ صارفین کو مجموعی طور پر 972.33 ملین روپے کا مالیاتی ریلیف فراہم کیا ہے۔
یکم جنوری سے 30 ستمبر 2023 تک بینکنگ محتسب کے دفتر کو 21,852 شکایات موصول ہوئیں جن میں 5,810 شکایات پرائم منسٹر پورٹل سے تھیں۔
لوگوں کو دھوکہ دہی کی سرگرمیوں سے بچانے کے لیے جو آج کل بہت زیادہ ہیں، بینکنگ محتسب جناب سراج الدین عزیز نے بینکنگ صارفین پر زور دیا ہے کہ وہ اپنی ذاتی اور مالی معلومات کسی بھی صورت کسی بھی تیسرے شخص کو ظاہر نہ کریں۔ انہوں نے مزید کہا کہ مشکوک کالز موصول ہونے پر، وہ فوری طور پر اپنے بینک کی قریبی برانچ سے رجوع کریں یا بینک کی ہیلپ لائن پر رابطہ کریں۔
