The Biz Update
Related Articles
کراچی: 09 اکتوبر 2024, سندھ حکومت کا سندھ سیڈ کارپوریشن میں فروٹ، آئل سیڈ اور سبزیوں کے بیج بھی تیار کرنے کا فیصلہ.اس سلسلے میں وزیرزراعت سردار محمد بخش مہر کی زیر صدارت سندھ سیڈ کارپوریشن میں نئے اصلاحات لانے سے متعلق بنائے گئے پلان کا جائزہ اجلاس منعقد ہوا، جس میں سیکریٹری زراعت رفیق احمد برڑو، ایم ڈی سیڈ کارپوریشن مشتاق سومرو، ڈی جیز ندیم شاہ، شہاب ابڑو، مظہر کیریو اور دیگر شریک ہوئے،اجلاس میں ایم ڈی مشتاق احمدسومرو نے سیڈ کارپوریشن میں نئے سرے سے اصلاحات لانے سے متعلق ترتیب وار پلان پیش کردیا.
وزیر زراعت سردار محمد بخش مہر کا کہنا تھا کہ سندھ سیڈ کارپوریشن میں نئے سرے سے اصلاحات لانے کا پلان بنایا گیاہے،جو سندھ کابینہ میں پیش کیا جائے گا، صوبائی وزیر نے ایم ڈی کو سندھ سیڈ کارپوریشن کی 1500 ایکڑ غیر آباد زرعی زمین کو دو سال کے اندر قابل کاشت بنانے کی ہدایت بھی کی.انہوں نے مزید کہا کہ سندھ کے کاشتکاروں کو سستی قیمت پر سیڈ فراہم کی جائے اور دیگر سیڈ کے پلانٹس بھی فعال کیے جائیں،کسانوں کو اعلی معیار کے بیج فراہم کریں تاکہ وہ زیادہ سے زیادہ پیداوار حاصل کریں.
سندھ سیڈ کارپوریشن کے ایم ڈی نے صوبائی وزیر کو بریفنگ دیتے ہوئے بتایا کہ 12 غیر فعال میں سے 7 زرعی فارمز اور سیڈ پروسیسنگ پلانٹس کو 20 دن کے اندر فعال کردیا ہے، جبکہ دو سال کے اندر 500 ملین آمدنی اور 2 سو ملین خرچ کئے جائیں گے، 3 سکرنڈ اور 2 گھوٹکی کے سیڈ پروسیسنگ پلانٹ فعال بھی کردئیے ہیں.ایم ڈی مشتاق احمد سومرو نے بریفنگ میں کہا کہ سندھ سیڈ کارپوریشن کی جانب سے دو موبائل یونٹ بھی قائم کردئے گئے ہیں جو دیہی علاقوں میں کاشتکاروں کو آگاہی دیں گے, سیڈ کارپوریشن نے نئی ایپ بھی تیار کرلی ہے جس پر تمام ریکارڈ اپلوڈ کیا جائے گا.
