کراچی چیمبر اب ہر جمعہ ہاف ڈے کے بجائے پورا دن کھلا رہے گا

Related Articles

اومیگا کا شاہکار: کراچی میں لگژری اور مہارت کا رنگا رنگ جشن

دسمبر 24, 2024

پیما کا کینسر علاج پر گمراہ کن معلومات پر اظہار تشویش

دسمبر 20, 2024

وفاقی وزراء کی برآمدات کے فروغ کے لیے ٹھوس اقدامات کی یقین دہانی

دسمبر 19, 2024

وفاقی محتسب برائے انسدادِ ہراسیت کا تاریخی فیصلہ

دسمبر 19, 2024

 کراچی: 09 اکتوبر 2024، کاروباری اور صنعتی برادری کی بہتر خدمت کے لیے کراچی چیمبر آف کامرس اینڈ انڈسٹری (کے سی سی آئی) کی انتظامیہ نے اپنے تمام محکموں کو ماضی کی طرز پر آدھے دن کے شیڈول کے بجائے ہر جمعہ پورے دن کے لیے مکمل طور پر فعال رکھنے کا فیصلہ کیا ہے۔ 

کے سی سی آئی کے اراکین اب جمعہ کو مختلف سہولیات سے فائدہ اٹھا سکتے ہیں، کیونکہ اٹیسٹیشن ڈیپارمنٹ کے علاوہ تمام محکمے دفتری اوقات کے مطابق صبح 9:30 بجے سے شام6:00 بجے تک خدمات پیش کرتے رہیں گے۔ پیر سے جمعرات اور ہفتہ دوپہر 1:15بجے سے لے کر2:00بجے تک کھانے کا وقفہ ہوگا  جبکہ جمعہ کو دوپہر کے کھانے و نماز کے اوقات 12:45 سے 2:30بجے تک ہوں گے۔جہاں تک محکمہ اٹیسٹیشن کا تعلق ہے، یہ پورا ہفتہ صبح  9:00 بجے سے شام 5:00 بجے تک اپنا کام جاری رکھے گا اوردوپہر 1:30 بجے سے2:00 بجے تک 30 منٹ کا کھانے کا وقفہ ہوگا جبکہ جمعہ کے کھانے کے وقفے کے اوقات وہی رہیں گے جو دیگر تمام ڈیپارٹمنٹس کے لئے طے کئے گئے ہیں۔

کے سی سی آئی کو جمعہ کے روزفعال رکھنے کا فیصلہ عہدیداروں نے تاجر برادری کے ممبران کی جانب سے متعدد سفارشات کی روشنی میں کیاجو مسلسل جمعہ کوپورا دن کے سی سی آئی کو آپریشنل رکھنے کا مشورہ دے رہے تھے تاکہ ویزا سفارشات کے خطوط کے اجراء سمیت مختلف خدمات،اٹیسٹیشن کی سہولیات، اور دیگر تمام رکنیت اور سیکرٹریٹ سے متعلق خدمات کے سی سی آئی کے اراکین کو جمعے کو دن بھر میسر ہوں۔