The Biz Update
Related Articles
کراچی: 23 جنوری 2024ء سندھ کے نگران وزیرِ ریونیو، انڈسٹریز و کامرس محمد یونس ڈاگھا نے کہا ہے کہ سندھ کے عوام کی سہولت کے لئے بورڈ آف ریونیو اور محکمۂ انڈسٹریز و کامرس میں سائٹ (SITE) اور سندھ اسمال انڈسٹریز نے
ای۔سروس سندھ، ای۔رجسٹریشن، ای۔میوٹیشن، ای۔پے سندھ اور سائٹ اور سندھ اسمال انڈسٹریز کے ریکارڈ کی ڈیجیٹلائزیشن کے عمل کو مکمل کرلیا ہے اور صوبے کے عوام کی سہولت کے لئے ان خدمات کی فراہمی کا باقاعدہ آغاز نگران وزیرِ اعلیٰ سندھ جسٹس ریٹائرڈ مقبول باقر مہمانِ خصوصی کی حیثیت سے کریں گے۔
محمد یونس ڈاگھا نے کہا ہے کہ اس سلسلے میں ایک باوقار تقریب بدھ 24 جنوری کو شام 4 بجے پرل کانٹیننٹل ہوٹل مارکی میں منعقد کی جارہی ہے ۔ تقریب میں وزراء، سفارتکار، صنعتی و کاروباری برادری سے مشاہیر ، اعلیٰ عہدیداران اور دیگر متعلقہ اسٹیک ہولڈرز بھی شرکت کریں گے۔
نگران وزیر محمد یونس ڈاگھا نے کہا ہے کہ ڈیجیٹیلائزیشن کے زریعے بورڈ آف ریونیو ، سائٹ اور سندھ اسمال انڈسٹریز میں آن لائن سہولیات مہیا کردی گئی ہیں اور اب کوئی بھی شہری ان دفاتر میں آنے کی زحمت اٹھائے بغیر گھر بیٹھے اپنی درخواستیں آن لائن جمع کرا سکتا اور ضروری دستاویزات بذریعۂ ڈاک حاصل کرسکتا ہے۔
محمد یونس ڈاگھا نے کہا کہ کم ترین وقت میں ان محکموں میں ڈیجیٹلائزیشن کے عمل کا آغاز نگران سندھ حکومت کا سنگِ میل اقدام ہے۔ انہوں نے امید ظاہر کی کہ آنے والی منتخب حکومت اس عمل کو مزید مستحکم اور مضبوط بنائے گی ۔
