The Biz Update
Related Articles
کراچی:وفاقی وزیر برائے نجکاری عبدالعلیم خان نے پی آئی اے کی نجکاری کے لیے متعین مالیاتی مشیروں کے ساتھ مشاورتی اجلاس کیا۔ ارنسٹ اینڈ ینگ کی قیادت میں قائم کنسورشیم نے، جو پی آئی اے کی نجکاری کے لیے مالیاتی مشیر مقرر ہے، وفاقی وزیر کو پی آئی اے سی ایل کی نجکاری کے لیے اب تک کی پیش رفت اور مستقبل کے لائحہ عمل کے بارے میں آگاہ کیا۔ وفاقی وزیر کو پی آئی اے کی نجکاری کی ٹائم لائنز کے علاوہ کابینہ کی منظوری کے مطابق ری اسٹرکچرنگ اور سیگریگیشن پلان سے آگاہ کیا گیا۔ وفاقی وزیر برائے نجکاری نے اب تک کی پیش رفت کو سراہا اور اس عمل کو تیز کرنے کے لیے ضروری ہدایات جاری کیں۔ وفاقی وزیر نے اظہار خیال کیا کہ پی آئی اے کسی بھی ممکنہ خریدار کے لیے ائیرلائن کی میراث، نیک نیتی اور صلاحیت کے پیش نظر سرمایہ کاری کا ایک زبردست موقع ہے۔ اجلاس میں سیکرٹری نجکاری ڈویژن جناب جواد پال اور سیکرٹری نجکاری کمیشن عثمان اختر باجوہ بھی موجود تھے۔
