The Biz Update
Related Articles
بزنس کمیونٹی کی اکثریت نے یو بی جی کے حق میں فیصلہ سنا دیا ہے،30دسمبر کو اعلان ہونا باقی ہے
کراچی: (27دسمبر2023) یونائٹیڈ بزنس گروپ (یوبی جی)کے نوجوان رہنما مومن علی ملک نے کہا ہے کہ بزنس مین پینل کے ناکام ترین اقتدار کا سورج غروب ہونے والا ہے، اب ہم مکمل فتح کی جانب بڑھ رہے ہیں، ایف پی سی سی آئی کے انتخابات میں پاکستان کی بزنس کمیونٹی کی اکثریت نے اپنی بھرپور حمایت سے یو بی جی کے حق میں فیصلہ سنا دیا ہے اور اب یونائٹیڈ بزنس گروپ کی کامیابی کے باضابطہ اعلان میں صرف دوروز باقی رہ گئے ہیں۔
مومن علی ملک نے لاہور میں اپنی جانب سے بزنس کمیونٹی کے اعزاز میں دیئے گئے ظہرانے میں ملک بھر سے آنے والے کاروباری برادری کے نمائندوں سے گفتگو میں کہا کہ یو بی جی ایف پی سی سی آئی کے انتخابات میں جاری جنگ اصولی طور سے جیت چکا ہے، الیکشن کوبار بار متاثر کرنے کے بزنس مین پینل کے تمام حربے ناکام ہوچکے ہیں اور اب ہمارے صدارتی امیدوار عاطف اکرام شیخ، سینئرنائب صدر کے امیدوار ثاقب فیاض مگوں سمیت نائب صدورکے امیدوار اکثریت سے کامیاب ہونگے۔ظہرانے میں یو بی جی کے سرپرست اعلیٰ ایس ایم تنویر، صدر یو بی جی زبیرطفیل،ایس ایم عمران،ظفر بختاوری، ریاض الدین شیخ،منظور ملک،علی حسام اصغر،ملک سہیل حسین،یو بی جی کے صدارتی امیدوار عاطف اکرام شیخ،سینئرنائب صدر کے امیدوار ثاقب فیاض مگوں،شبنم ظفر،عامرعطا باجوہ، ظفراقبال، محمدیاسین اوردیگر بھی موجود تھے۔
مومن علی ملک نے کہا کہ بزنس کمیونٹی کے مسائل ہر قیمت پر دور کرائیں گے تاکہ نہ صرف کاروباری حالات مزید بہتر ہوں بلکہ ملکی معیشت کو استحکام حاصل ہو۔ انہوں نے کہا ہے کہ فیڈریشن کواب ایسی قیادت کی اشد ضرورت ہے جو بزنس کمیونٹی کے مسائل حل کرسکے، ہمارے گروپ یو بی جی نے پانچ سال فیڈریشن کی کامیاب قیادت کی اوریہ پاکستان کا سب سے بڑاگروپ ہے،30دسمبر کو یو بی جی فیڈریشن الیکشن میں بھرپور کامیابی حاصل کرے گا۔
