The Biz Update
Related Articles
فاطمہ فرٹیلائزر کی ویب سیریز ”سرسبز کہانی“کی تیسری قسط جاری
لاہور: فاطمہ فرٹیلائزر کے ویب سیریز پلیٹ فارم ”سرسبز کہانی“نے تیسری قسط جاری کردی جو امید اور حوصلے کا پیغام دینے کے ساتھ ساتھ ایک سچی کہانی پر مبنی ہے۔سرسبز کہانی، زراعت سے متعلق پاکستان کی پہلی ویب سیریز ہے، جو کاشتکاری سے منسلک اُن مرداور عورتوں کی غیر معمولی کہانیاں پیش کرتی ہے جنہوں نے اپنی ہمت اور لگن سے قومی خوشحالی اور ترقی کے سفر کو آگے بڑھایا۔
سرسبز کہانی کی پہلی دو اقساط پاکستانی خواتین کسانوں کے گرد گھومتی ہیں جنہوں نے اپنی ہمت اور جذبے سے قوم کے لئے ایک مثال قائم کی۔ تیسری قسط میں پاکستان کے نامور کرکٹرشاہنواز دھانی کا شاندار سفر دکھایا گیا ہے جو بنیادی طور پر زراعت کے شعبے سے منسلک تھے، مگر اپنی محنت اور لگن سے انہوں نے اپنے خوابوں کوحقیقت میں بدلا۔
لاڑکانہ، سندھ کے دیہی زرعی پس منظر میں پلے بڑھے، دھانی نے بڑی ہمت کے ساتھ مشکل حالات کا مقابلہ کیا۔اُن کی غیر متزلزل لگن اور انتھک محنت نے انہیں پاکستان سپر لیگ کے چھٹے سیزن کے دوران شاندار پذیرائی بخشی۔ فاطمہ فرٹیلائزر کی پارٹنر فرنچائز، ملتان سلطانز کے ساتھ اپنا ٹی 20 ڈیبیو کرتے ہوئے، انہوں نے فتح میں اہم کردار ادا کیا اور قومی سلیکٹرز کی توجہ حاصل کرتے ہوئے سیزن کے ٹاپ وکٹ لینے والوں میں شامل ہوگئے۔
فاطمہ فرٹیلائزرز میں ڈائریکٹر مارکیٹنگ اینڈ سیلزرابیل سدوزئی نے اس پلیٹ فارم کے حوالے سے بات کرتے ہوئے کہاکہ، ”سرسبز کہانی،ہمت اور عزم کا مظاہرہ کرنے والے افراد کو خراج تحسین پیش کرتی ہے جو ہمارے زرعی شعبے کے لیے باعث فخر ہیں۔ وہ دل و جان سے وطن کی خدمت کرتے ہیں اور اس کی ترقی اور خوشحالی کے لیے بے لوث محنت کرتے ہیں۔ فاطمہ فرٹیلائزر ان کی ثابت قدمی اور ملک کی ترقی میں اہم کردار کو تسلیم کرنے کے لئے پُرعزم ہے۔“
