The Biz Update
Related Articles
کراچی 12 اکتوبر 2023: سندھ انسٹی ٹیوٹ آف یورولوجی اینڈ ٹرانسپلانٹیشن ٹرسٹ (ایس آئی یو ٹی) نے پاکستان ہوٹل ڈیولپرز لمیٹڈ کو ہوٹل ریجنٹ پلازہ کو ٹرسٹیری کیئر جنرل ہسپتال میں تبدیل کرنے کے لیے 14.5ارب روپے کی پیشکش کی ہے۔
ہوٹل ریجنٹ پلازہ کے ملکیتی پاکستان ہوٹل ڈیولپرز لمیٹیڈ کو سید شبر زیدی کے دستخط شدہ پیشکش کا خط موصول ہوا ہے شبر زیدی سندھ انسٹی ٹیوٹ آف یورولوجی اینڈ ٹرانسپلانٹیشن ٹرسٹ کی جانب سے بطور ٹرسٹی خدمات انجام دیتے ہیں۔
ہوٹل ریجنٹ پلازہ کراچی میں شاہراہ فیصل پر سرکاری جناح اور کارڈیو اسپتال کے قریب ایک فائیو اسٹار ہوٹل ہے جس میں 400 کمرے ہیں کسی زمانے میں اس ہوٹل کے بڑے چرچے تھے مگر اب ایک 4 اسٹار درجے کا ہوٹل ہے جبکہ چند سال قبل اس میں آگ بھی لگ گئی تھی۔
اس سےقبل 1980 کی دہائی میں ‘دی ریجنٹ پلازہ’ ‘تاج محل ہوٹل کراچی’ ہوا کرتا تھا۔ بعد میں یہ ‘ہولی ڈے ان کراؤن پلازہ ہوٹل’ تھا – تاہم، اب یہ اس کو ‘ریجنٹ پلازہ ہوٹل اینڈ کنونشن سینٹر کراچی’ کہا جاتا ہے۔
ایس آئی یو ٹی کے ٹرسٹی سید شبر زیدی نے کہا کہ اس عمارت کو ایک سال کے اندر صحت کی سہولت میں تبدیل کیا جا سکتا ہے۔ کراچی کو ایک اضافی ترتیری نگہداشت صحت کی سہولت کی ضرورت ہے، اور اس طلب کو پورا کرنے کے لیے ایک مرکزی مقام پر موجودہ ڈھانچے کو حاصل کرنا سب سے موثر آپشن کے طور پر دیکھا جاتا ہے۔
شبر زیدی نے امید ظاہر کی کہ پی ایچ ڈی ایل پاکستان اور دیگر ممالک کے لوگوں کے فائدے کے لیے اس پیشکش کو قبول کرے گا جو کراچی میں علاج کے خواہاں ہیں۔خریداری کے لیے فنڈز قرضوں اور عوامی تعاون کے ذریعے جمع کیے جائیں گے۔
ایس آئی یو ٹی کی بنیاد ممتاز سرجن ڈاکٹر سید ادیب الحسن رضوی نے چار دہائیاں قبل کراچی کے سول اسپتال کے برنس یونٹ میں آٹھ بستروں پر مشتمل وارڈ کے طور پر رکھی تھی۔ کئی سالوں میں بڑے پیمانے پر توسیع سے گزرنے کے بعد، یہ اب ایک خیراتی ٹرسٹ کے طور پر کام کر رہا ہے اور متعدد ہسپتالوں کے ذریعے ہر سال نصف ملین سے زیادہ مریضوں کو طبی سہولیات اور مالی امداد فراہم کرتا ہے۔
