The Biz Update
Related Articles
لاہور: بیرون ممالک سے پاکستانیوں کی جانب سے بھیجنے جانے والی رقوم میں ماہ اکتوبر میں 10 فیصد کا اضافہ ریکارڈ کیا گیا ہے۔
بینک دولت پاکستان کے اعداد شمار کے مطابق رواں مالی سال کے ابتدائی تین ماہ میں بیرون ملک سےآنے والی ترسیالات زر میں مسلسل کمی دیکھی جا رہی تھی لیکن اکتوبر 2023 میں گذشتہ اکتوبر 2022 کے مقابلے میں ترسیلات زر میں 10 فیصد اضافہ ریکارڈ کیا گیا ہے۔
اسٹیٹ بینک کے مطابق اکتوبر 2023 میں بیرون ملک مقیم پاکستانیوں نے دو ارب 40 کروڑ 30 لاکھ ڈالرپاکستان بھیجے ہیں جو کہ گزشتہ سال اکتوبر 2022 کے مقابلے میں 216 ملین ڈالر زیادہ ہیں ۔اکتوبر 2022 میں بیرون ملک مقیم پاکستانیوں نے دو ارب 24 کروڑ 70 لاکھ ڈالر پاکستان بھیجے تھے
اس سے قبل جولائی میں 22 فیصد اگست میں 26 فیصد اورستمبر 2023 میں 11 فیصد کمی ریکارڈ کی گئی تھی
مجموعی طور پر رواں مالی سال کے ابتدائی چار ماہ میں ترسیلات زر میں 13 فیصد کی کمی ریکارڈ کی گئی ہے جولائی سے اکتوبر کے دوران بیرون ملک مقیم پاکستانیوں نے 8.8 ارب ڈالر پاکستان بھیجے ہیں جو کہ گشتہ سال اسی عرصے میں 10.14 ارب ڈالر کے مقابلے میں کم ہے ۔
سب سے زیادہ ترسیلات زر سعودی عرب کی جانب سے بھیجی گئی ہیں جو کہ دو ارب 13 کروڑ 30 لاکھ ڈالر ہیں۔یو کے دوسرے نمبر پر اور امریکہ تیسرے نمبر پر رینکنگ کر رہا ہے رواں مالی سال کے ابتدائی 4 ماہ میں یو کے سے ایک ارب 27 کروڑ 80 لاکھ ڈالر جبکہ یو ایس اے سے ایک ارب پانچ کروڑ 10 لاکھ ڈالر وصول ہوئے ہیں
