The Biz Update
Related Articles
اسلام آباد: توانائی شعبے کا گردشی قرض کم کرنے کیلئے حکومت نے ایک ہزار 250 ارب روپے جاری کرنے کا فیصلہ کرلیا،آئی ایم ایف کی شرائط کے مطابق سرکلر ڈیٹ میں کمی کیلئے کیش سیٹلمنٹ کی جائیگی،وزیر اعظم آفس نے آئی ایم ایف سے منظوری کی ہدایت کر دی۔وزارت خزانہ کے ذرائع کے مطابق آئی ایم ایف شرائط پر عملدرآمد کرتے ہوئے گردشی قرضے کیلئے کیش سیٹلمنٹ کی جائیگی او جی ڈی سی ایل کو 600 ارب، پی پی ایل کو 150 ارب اور جی ایچ پی ایل کو 170 ارب جاری ہوں گے جبکہ نیشنل پاور پارکس مینجمنٹ کمپنی لمیٹڈ کو بھی 100 ارب روپے جاری کیے جائیں گے۔
ذرائع کے مطابق وزیراعظم آفس نے وزارت خزانہ کو گردشی قرضہ سیٹلمنٹ کی منظوری کیلئے آئی ایم ایف سے منظوری لینے کی ہدایات کر دیں کیونکہ گردشی قرضہ کی سیٹلمنٹ کیلئے آئی ایم ایف سے منظوری لازمی ہے۔وزارت خزانہ کے ذرائع کے مطابق آئی ایم ایف سے منظوری کے بعد وزارت خزانہ 900 ارب روپے جاری کریگی،گردشی قرضہ کی سیٹلمنٹ کیلئے کیش جاری کرنے سے مالیاتی خسارہ نہیں بڑھے گا۔
