The Biz Update
Related Articles
لاہور: پنجاب کی نگران حکومت کا ایک سال مکمل ہو گیا، ایک سال کے دوران لاہور میں ترقیاتی منصوبوں کی بھرمار رہی۔نگران پنجاب حکومت نے ایک سال کی مدت میں لاہور میں کئی میگا پراجیکٹس مکمل کر ڈالے جبکہ کئی اپنی تکمیل کے قریب ہیں۔ شہباز شریف کے دورِ اقتدار سے پرویز الہی کی حکومت تک میں کسی ایک سال میں اتنے منصوبے مکمل نہ ہو سکے جتنے جنوری 2023سے جنوری 2024تک اپنی تکمیل کو پہنچے۔نگران پنجاب حکومت کے دور میں چار سپورٹس کمپلیکس مکمل ہوئے، پانچ ابھی بھی ادھورے ہیں۔ تاخیر کا شکار لاہور بریج منصوبے کو 31مئی 2023 کو مکمل کیا گیا۔ سمن آباد انڈرپاس کو رواں سال میں ہی شروع کرکے رواں سال ہی مکمل کیا گیا۔
شاہدرہ کے مقام پر ٹریفک روانی بہتر بنانے کے لئے فلائی اوورز کو ساڑھے سات ماہ میں مکمل کیا گیا۔نواز شریف انٹرچینج کے مقام پر بیدیاں انڈرپاس کو بھی رواں سال نمٹایا گیا۔ اکبر چوک کے مقام پر مولانا محمد علی جوہر فلائی اوورز کو قلیل مدت میں مکمل سگنل فری بنایا گیا۔ نگران حکومت نے لاہور کے باسیوں کو کیولری انڈرپاس کا بھی تحفہ دیا۔ کینال روڈ نظریہ پاکستان روڈ سے امیر چوک تک کو سگنل فری بنایا گیا۔ کالج روڈ کی ری ماڈلنگ کا کام نگران دور اقتدار میں مکمل کیا گیا۔ کینال روڈ پر انڈرپاسز کی بیوٹیفکیشن کا کام پایہ تکمیل کو پہنچایا گیا۔ اسلامیہ گرانڈ، سنت نگر اور چائنہ سکیم سپورٹس کمپلیکس مکمل کئے گئے۔
