The Biz Update
Related Articles
کراچی، 22 نومبر 2024: پاکستان کرسچن بزنس فورم کے چیئرمین پرویز گل اور وائس چیئرمین بشارت اٹھوال نے آرچ ڈایوسس آف کراچی کے سربراہ، بشپ بینی ماریو ٹرایوس کی سالگرہ کے موقع پر انہیں دلی مبارکباد پیش کی۔ اس موقع پر فورم کے دیگر عہدیداران بھی موجود تھے، اور ایک خوشگوار ماحول میں ملاقات کا سلسلہ جاری رہا۔
پرویز گل اور بشارت اٹھوال نے بشپ بینی ماریو ٹرایوس کو گلدستہ پیش کیا اور ان کی قائدانہ صلاحیتوں اور مسیحی برادری کے لیے ان کی خدمات کو سراہا۔ پرویز گل نے کہا کہ، "بشپ بینی ماریو ٹرایوس کی محنت اور لگن سے مسیحی برادری کو ایک مضبوط قیادت ملی ہے، جس سے نہ صرف مذہبی رہنمائی حاصل ہوئی ہے بلکہ سماجی اور انسانی خدمات میں بھی ان کا کردار اہم ہے۔”
بشارت اٹھوال نے اس موقع پر مزید کہا، "بشپ بینی ماریو ٹرایوس کی خدمات کسی تعارف کی محتاج نہیں ہیں۔ ان کی مسلسل کوششوں سے مسیحی کمیونٹی کو ایک مستحکم اور بااختیار قیادت ملی ہے، جو کہ ہمارے معاشرتی مسائل کو حل کرنے میں مددگار ثابت ہوئی ہے۔”
ملاقات کے دوران، مسیحی برادری کی فلاح و بہبود اور مختلف سماجی مسائل پر بھی گفتگو ہوئی۔ اس موقع پر بشپ بینی ماریو ٹرایوس نے پاکستان کرسچن بزنس فورم کے عہدیداران کا شکریہ ادا کیا اور ان کی کاوشوں کی تعریف کی۔
یہ ملاقات ایک مثبت پیغام کا حامل تھی، جس میں مذہبی ہم آہنگی اور برادری کی فلاح کے حوالے سے اہم نکات پر تبادلہ خیال کیا گیا۔ اس موقع پر، پرویز گل اور بشارت اٹھوال نے دعا کی کہ خداوند تعالیٰ، بشپ بینی ماریو ٹرایوس کو صحت مند، خوشحال اور کامیاب زندگی دے۔
