The Biz Update
Related Articles
دبئی 13 اکتوبر 2023: دبئی میں پاکستانی کمیونٹی کے لئے ترسیلات زر پر ایک کانفرنس منعقد کی گئی جس میں مالیاتی امور کے ماہراور مقامی پاکستانیوں نے شرکت کی اور ملک معاشی سرگرمیوں میں مثبت کردار ادار کرنے کے لیے بینکنگ چینل کو استعمال کرنے پر زور دیا۔
یہ کانفرنس ڈیلسنز ایسوسی ایٹ نے یو اے ای میں پاکستانی سفارت خانے اور فارن ایکسچینج اینڈ ریمیٹنس گروپ کے تعاون سے منعقد کی گئی ۔
مہمان خصوصی کی حیثیت سے خطاب کرتے ہوئے متحدہ عرب امارات میں پاکستان کے سفیر فیصل نیاز ترمزی نے کہا کہ متحدہ عرب امارات دنیا کا دوسرا بڑا میزبان ملک ہے جس میں 16 لاکھ پاکستانی شہری ہیں اور اس ملک کی مختلف ریاستوں میں پاکستانی پیشہ ور افراد کی تعداد میں اضافہ ہورہا ہے۔
انہوں نے کہا کہ متحدہ عرب امارات کی مختلف ریاستوں میں پاکستانی پیشہ ور افراد اور کارکن وسائل سے مالا مال، محنتی اور محب وطن ہیں، جن میں اپنے گراں قدر تعاون کے ذریعے اپنے وطن کی خدمت کرنے کا گہرا احساس ہے جس میں بینکنگ چینلز کے ذریعے ترسیلات زر بھیجنا بھی شامل ہے۔ حکومت نے حال ہی میں ترسیلات زر کو بڑھانے کے لیے مختلف اقدامات کیے ہیں جس سے توقع ہے کہ بیرون ملک مقیم پاکستانیوں میں بینکنگ چینلز کے استعمال میں اضافہ ہوگا۔
دبئی اسلامک بینک پاکستان کے سلمان حسن خان نے کہا کہ مالیاتی اداروں نے بیرون ملک مقیم پاکستانیوں کو ان کے وطن کے رشتہ داروں سے جوڑنے میں اہم کردار ادا کیا لیکن یہ ادارے مختلف ریاستوں میں مقیم پاکستانیوں کی سہولت کے لیے مسلسل کام کر رہے ہیں۔
انہوں نے نشاندہی کی کہ مختلف ممالک میں پاکستانی سود پر مبنی نظام پر اسلامی بینکنگ کو ترجیح دیتے ہیں اس لیے جدید تکنیکی حل کے ساتھ شریعت پر مبنی مالیاتی اختیارات کو فروغ دینے کی ضرورت ہے۔
ابراہیم امین، چیئرمین ڈیلسنز ایسوسی ایٹس نے کہا کہ اس کانفرنس کا مقصد اسٹیک ہولڈرز، بشمول حکومتی عہدیداروں، ریگولیٹرز، اور بینکوں، ایکسچینج کمپنیوں اور فنٹیکس جیسے خدمات فراہم کرنے والوں کے درمیان فاصلوں کو ختم کرنا ہے۔
انہوں نے کہا کہ جی سی سی خطے سے ترسیلات زر ملک کے معاشی اشاریوں بشمول کرنٹ اکاؤنٹ اور غیر ملکی کرنسی کے مقابلے روپے کے استحکام میں اہم کردار ادا کرتی ہیں اس لیے بیرون ملک مقیم پاکستانیوں اور ان کے تعاون کو سہولت اور مراعات کے ذریعے سراہا جانا چاہیے۔ .
